الجزء الثانى من حملة (خليك إيجابى)

السلام عليكم ورحمه الله وبركاته


انا اسفه جدا يا جماعه انى اتاخرت عليكم بس النت عندنا فاصل من يوم الجمعه

وعلشان انزل الحمله طلعت عند جارتى الله يخليها
المهم ندخل فى الموضوع

بسم الله الرحمن الرحيم

ورجعنا نكمل الجزء التانى من أنا مسلم إذاً أنا إيجابى

وقفنا عند

انت كده بتحط نفسك مع الفريق الملعون من بنى اسرائيل

ايوه الفريق اللى خد السلبيه منهجه وقرر يخلى اللى يعمل حاجه يعملها

وما يعرفش الناس الصح من الغلط ولا ينبهم ليه!!

انت ما سمعتش الايه القرآنية اللى بتقول

(({لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ}


طبعا انت بتسال دلوقتى وبتقول هو مين اللى الانبياء لعنوهم وعملوا ايه ؟؟


لو رجعت للتفاسير هتعرف انه سيدنا دواد لعن فئه من بنى اسرائيل



لُعِنَ الَّذِينَ كَفَرُوا مِنْ بَنِي إِسْرَائِيلَ عَلَىٰ لِسَانِ دَاوُودَ وَعِيسَى ابْنِ مَرْيَمَ ۚ ذَٰلِكَ بِمَا عَصَوْا وَكَانُوا يَعْتَدُونَ (78)
كَانُوا لَا يَتَنَاهَوْنَ عَنْ مُنْكَرٍ فَعَلُوهُ ۚ لَبِئْسَ مَا كَانُوا يَفْعَلُونَ (79)
تَرَىٰ كَثِيرًا مِنْهُمْ يَتَوَلَّوْنَ الَّذِينَ كَفَرُوا ۚ لَبِئْسَ مَا قَدَّمَتْ لَهُمْ أَنْفُسُهُمْ أَنْ سَخِطَ اللَّهُ عَلَيْهِمْ وَفِي الْعَذَابِ هُمْ خَالِدُونَ (80)
وَلَوْ كَانُوا يُؤْمِنُونَ بِاللَّهِ وَالنَّبِيِّ وَمَا أُنْزِلَ إِلَيْهِ مَا اتَّخَذُوهُمْ أَوْلِيَاءَ وَلَٰكِنَّ كَثِيرًا مِنْهُمْ فَاسِقُونَ (81)المائده



شوفتوا بقى ربنا لعنهم فى القرآن ولعنوا على لسان الانبياء

علشان لم يأمروا بالمعروف ولم ينهوا عن المنكر

انتوا عارفين قصه الناس اللى ربنا لعنهم ايه دول: اصحاب السبت !!


{ وَاسْأَلْهُمْ عَنِ الْقَرْيَةِ الَّتِي كَانَتْ حَاضِرَةَ الْبَحْرِ إِذْ يَعْدُونَ فِي السَّبْتِ إِذْ تَأْتِيهِمْ حِيتَانُهُمْ يَوْمَ سَبْتِهِمْ شُرَّعًا وَيَوْمَ لَا يَسْبِتُونَ لَا تَأْتِيهِمْ كَذَلِكَ نَبْلُوهُمْ بِمَا كَانُوا يَفْسُقُونَ (163) وَإِذْ قَالَتْ أُمَّةٌ مِنْهُمْ لِمَ تَعِظُونَ قَوْمًا اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا قَالُوا مَعْذِرَةً إِلَى رَبِّكُمْ وَلَعَلَّهُمْ يَتَّقُونَ (164) فَلَمَّا نَسُوا مَا ذُكِّرُوا بِهِ أَنْجَيْنَا الَّذِينَ يَنْهَوْنَ عَنِ السُّوءِ وَأَخَذْنَا الَّذِينَ ظَلَمُوا بِعَذَابٍ بَئِيسٍ بِمَا كَانُوا يَفْسُقُونَ (165) فَلَمَّا عَتَوْا عَنْ مَا نُهُوا عَنْهُ قُلْنَا لَهُمْ كُونُوا قِرَدَةً خَاسِئِينَ } [ الأعراف: 163 - 166 ].

تتكلم قصة أصحاب السبت عن فريق من بني إسرائيل كانوا يسكنون قرية ساحلية، وكانوا يعملون بصيد السمك، فأراد الله اختبارهم فأمر الله السمك ( الحيتان ) بعدم الاقتراب من سواحلهم في أيام العمل الستة، بينما يكثر في يوم السبت وهو يوم يحرم عندهم فيه العمل، بل إن هذه الحيتان
( الأسماك ) كانت تظهر على الماء في يوم السبت إمعانًا في اختبارهم.
فما كان من هؤلاء القوم إلا أنهم شرعوا يحتالون الحيل، ورُوي أنهم كانوا يقيمون حواجز ( مصائد ) للسمك ليلة السبت ثم يجمعونه يوم السبت، أو أنهم كانوا يربطون السمك يوم السبت ويتركونه في الماء ثم يخرجونه ليلة الأحد أو نهاره (كما روى ابن إسحاق عن ابن عباس، وقال ابن كثير عن إسناده: إنه إسناد جيد ).
وقد انبرى فريق منهم يحذر العصــاة من مغبة عملهم، بينما اكتفى فريق ثالث بعدم المشاركة في الإثم، بل إنهم قالوا للفريق الناهي عن المنكر لِمَ تعظون هؤلاء العصاة الهالكون ؟!
وكان عقاب الله سريعًا إذ مسخ العصـاة قردةً بينما نجَّى الفريق الناهي عن المنكر.
سبحان الله ربنا نجى القوم اللى نهوا عن المنكر وماسكتوش عن الغلط وقالوا لالا

وبصوا الايه(اللى فى سوره المائده)) ورد فيها اكثر من عقاب لهؤلاء الذين لم يأمروا بالمعروف ولم ينهوا عن المنكر

1/ اللعن وهو الطرد من رحمه الله
2/سخط الله عليهم وعدم رضاه عنهم
3/التخليد فى العذاب

لا حول ولا قوه الا بالله ده كله عقاب الانسان السلبى اللى بيشوف الغلط قدامه ومش بيحاول يغيره

لسه عايز تبقى سلبى ؟؟؟ لسه مش عاجباك الايجابيه وشايف انها مش جايبه همها

لسه بتقول انك مش هتأثر فى اللى حواليك

طيب ما تجرب مش هتخسر حاجه جرب تبقى ايجابى يوم واحد جرب

تصلح الغلط الى تشوفه قدامك طالما انك تستطيع

وماتنساش كلام نبينا وحبيبنا صلى الله عليه وسلم

((من رأى منكم منكراً فليغيره بيده فإن لم يستطع فبلسانه فإن لم يستطع فبقلبه وذلك أضعف الايمان))


خد بالك ده أمر من نبيك ورسولك ان تغير اى غلط تشوفه على حسب مقدرتك

وشرط انك تكون مُلم بالموقف اللى قدامك ويكون عندك الطريقه الصح

اللى هتكلم بيها اخوك واللى هتكلمى بيها اختك

ربنا قال للنبى صلى الله عليه وسلم على الكفار

((وجادلهم بالتى هى أحسن ))

يبقى احنا نجادل أهلنا واخواتنا إاازى !!!!



مش احنا أوامرنا بناخدها من قرآنا وسنه نبينا صلى الله عليه وسلم !!


طيب لما نقول ان ربنا قالنا فى القرآن

(( وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ ۚ
وَأُولَٰئِكَ هُمُ الْمُفْلِحُونَ ))آل عمران 104

وان سيدنا محمد صلى الله عليه وسلم قال


روى الترمذي عن حذيفة قال رسول الله صلى الله عليه وسلم : (( والذي نفسي بيده لتأمُرُنَّ بالمعروف ولتنهوُنَّ عن المنكر ، أو ليوشكنَّ الله أن يبعث عليكم عقاباً منه ثم تدعونه فلا يستجاب لكم ((



ياااه هواحنا بعد كل اللى عرفناه ده هنستنى ان ربنا والعياذ بالله يرسل علينا عذاب

وندعوه يرحمنا ولا يستجيب لنا


يااااااااااه ده الايجابيه طلعت مهمه اووووووووووووووووووووووووووووى فى ديننا واحنا مش عارفين



احنا ازاى تهنا عنها كل السنين دى وازاى سكتنا على الغلط فى الشوارع

وسبنا غيرنا يغلط واحنا عارفين ان كده غلط وما قولناش ايه الصح ؟؟





ازاى جالك قلب صحبك يرمى ورقه فى الشارع وتسيبه يرميه

انت ما تعرفش ان النظافه من الايمان وانه على قدر نظافتك هيكون ايمانك

ماتعرفش ان ربنا بيحب التوابين والمتطهرين

مره وانا ماشيه مع صحبتى فى المنصوره فى شارع راقى جداااااااااااا

كانت بتتكلم عن نظافه الشوارع وشايفه يا بنتى مش عندنا فى شوارع مبهدله وفيها قمامه

وهى كانت ماسكه ورقه كيكه بتاكلها رمت الورقه على الارض

بالله عليكم ده مش تناقض

منين عايزه بلدك نظيفه ومنين بتبهدلى فيها ؟؟؟؟؟؟؟؟


وانا بقرأ فى سوره التوبه قرأت الايه دى وكأنى اول مره أقرأها سبحان الله

دى من نتائج الحمله ..

((الْمُنَافِقُونَ وَالْمُنَافِقَاتُ بَعْضُهُمْ مِنْ بَعْضٍ ۚ يَأْمُرُونَ بِالْمُنْكَرِ وَيَنْهَوْنَ عَنِ الْمَعْرُوفِ وَيَقْبِضُونَ أَيْدِيَهُمْ ۚ نَسُوا اللَّهَ فَنَسِيَهُمْ ۗ إِنَّ الْمُنَافِقِينَ هُمُ الْفَاسِقُونَ)) التوبة (67)
ودى كمان سبحان الله العكس تماما


((وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ ۚ يَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَيُقِيمُونَ الصَّلَاةَ وَيُؤْتُونَ الزَّكَاةَ وَيُطِيعُونَ اللَّهَ وَرَسُولَهُ ۚ أُولَٰئِكَ سَيَرْحَمُهُمُ اللَّهُ ۗ إِنَّ اللَّهَ عَزِيزٌ حَكِيمٌ)) التوبة (71)




بيتهيالى ان الموضوع مش محتاج شرح

الايات واضحه وتفسيرها موجود فى اجابات المسابقه كمان

يعنى من صفات المؤمنين انهم بيأمروا بالمعروف وبينهوا عن المنكر

انت عايز تكون مؤمن ؟؟خليك إيجابى

ماتسبش الغلط قدامك وتسكت وما تخليش موقف يعدى من قدامك ممكن تفيد فيه حد وتقوله على حاجه تنفعه وتسكت

السكوووووووووووووووووت سلبيييييييييييييييييييه

اوعى تكون سلبى خليك ايجابى

انت مسلم عارف يعنى ايه مسلم يعنى انسان بيكره الغلط وبيحب الصح

والصح هو كل حاجه ترضى ربنا والغلط اى حاجه تغضب ربنا

موقف توضيحى ::

لو انت مثلا شوفت واحد مش فاهم حاجه معينه وعمال يسأل عليها

وانت عارفها وفاهمها

وساااكت يبقى دى طبعا سلبيه ,,لانك تعرف حاجه تفيد غيرك وساكت

ليه تكتم العلم ليه تكتم معلومه ربنا رزقك بيها

ده سيدنا محمد صلى الله عليه وسلم قال

((خيركم من تعلم العلم وعلمه ))

وخد بالك الرسول ما قالش خيركم من تعلم العلم الشرعى

لآ ده الحديث يشمل أى علم ناااافع

وجه نظرى وصلت !!

اننا لو نقدر نعمل اى حاجه صح ما نسكتش وما نتكسفش وما نبخلش

ونفس الحكايه لو نقدر نوقف حاجه غلط بتحصل ما نسكتش وما نتكسفش وما نبخلش


يا جماعة إحنا مسلمييييييييييييييييييين يعنى احنا لالالازم نكون نكون ايجابييييييييييييين

مسلم =ايجابى

ونرجع نقول التانى الحمله هدفها اننا نطلع منها ناس ايجابيه

ناس ما بتسكتش على الغلط وبتنشر الخير بكل أنواااااااااااعه فى كل مكان

يلا نبدأ مع بعض ونقول انا مسلم ولازم أكون إيجابى

انا ايجابى =باعتزازى بلا اله الا الله وان محمد رسول الله
انا ايجابى =بدافع عن الحق واقف ضد الظلم حتى لو كان المظلوم مش مسلم
انا ايجابى = مابكدبش حتى لو حطوا السكينه على رقبتى
انا ايجابى = ما بسكتش عن الغلط وبنشر الصح والخير
انا ايجابى =بحب اهلى واصحابى وجيرانى وبرتقى بيهم للطاعات االلى توصلنى لأعالى الجنات
انا ايجابى = بابتسامتى الحلوه اللى بتحبب الناس فيه وبتخليهم يقولوا عنى المسلم محبوب
انا ايجابى = بمواجهتى للمشاكل بحلول عمليه وبعدى عن الهروب ورمى المشاكل على غيرى
انا ايجابى =بتحملى لهم دينى وامتى وخوفى على اسلامى وعلى كل مسلم ومسلمه
انا ايجابى ,انا ايجابى ,انا ايجابى ,انا ايجابى

قولوا ورايا انا مش سلبى وخنوع انا ايجابى ومؤمن

انا بس حبيت اختمها بابتسامه حلوه تترسم على وجهوكم

وماتنسونيش من دعوااااااااتكم

واللهم علمنا ما ينفعنا وانفعنا بما علمتنا

وارزقنا الاخلاص فى الاقوال والاعمال واجعل هذه الحمله

من بدايتها لما بعد هذه الحلقه (لان الخير ليس نهايه)

خالصه لوجهك الكريم ولا تجعل للشيطان ولا الرياء منها نصيبا

واجزِ اللهم صاحب فكرتها وكل من شارك فيها بأى شكل من الاشكال خير الجزاء

اللهم آميـــــــــــن